Құрметті «Теміртау қаласының Әйелдер гимназиясы» КММ оқушыларының ата-аналары!
⠀
2020 жылғы 6 сәуірде республикамыздың барлық мектептері қашықтықтан оқытуға көшуіне байланысты Сіздерден келесі мәселелерді қарауларыңызды өтінеміз.
⠀
Карантин жағдайында қашықтықтан оқу түрі осы оқу жылын сәтті аяқтаудың жалғыз мүмкіндігі болып отыр. Қазір барлығымызға да оңай емес.
Біздің ұстаздар қауымына одан да қиын. Қысқа уақыт ішінде қашықтықтан білім беру үдерісін ұйымдастыру-бұл өте қиын міндет. Бірақ, мұғалімдерімізге оқу жүктемесінен басқа ата-аналардың сұрақтары мен өтініштерін реттей отырып, олармен көп жұмыс істеуге тура келеді. Біз барлық ата-аналардан мұғалімдерімен қарым-қатынаста әрдайым табандылық, шыдамдылық, өзара түсіністік танытуын сұраймыз.
⠀
Виртуалды ортаның өсу әсері жағдайында әлеуметтік, бейвербальдік, эмоциялық байланыстары айтарлықтай қысқарған мектеп оқушыларына да оңай емес. Осы уақытқа дейін біздің балаларымыз үшін мектеп пен қосымша білім беру ұйымдары пайдалы білім алу ордалары болды, бірақ бүгінгі күні балаларымызды гаджеттерге тәуелді етуге тәуекел етудеміз. Цифрлық аутизм қоғамда ең қорқынышты пандемиядан да тезірек таралады. Одан аман қалу-тек отбасында ғана. Енді тек біз, ата-аналар, балалардың әлеуметтік кеңістігін ұйымдастыруға жауаптымыз. Біздің міндетіміз-қазіргі заманғы техникалық құралдардың балаларымызға достарын, педагогтарды және бізді ауыстырмай, білім алатын құрал болып есептелетінін ұйымдастыруымыз қажет.
Құрметті ата-аналар! Болып жатқан жағдайға бәрімізде алаңдаулымыз. Бұл өзгерістерді қабылдау қалыпты. Бірақ, бүгін біз үшін ортақ жауапкершілік қажет.
Өйткені қашықтықтан оқытуға уақытша көшу үдерісінен біздің балаларымыздың қиындықсыз өтуі тек екі институттың көмегімен ғана жүзеге асады. Бұл-отбасы мен мектеп. Олар бір-бірімен толық, үздіксіз және сапалы жұмыс жасап, өзара іс-қимыл жасауы арқылы жетістікке жете аламыз.
Бірлескен жұмысымыз отбасы мен мектептің әріптестік қарым-қатынасын күшейтеді деген сенімдеміз!